SASAKALA LEUWI JURIG DI DAERAH PAJAMPANGAN KECAMATAN CIMANGGU

Sampurasuuu……….n

Nyukcruk galur nu kapungkur mapay raratan kolot baheula, wirehna kanca mitra tepang dina ieu acara sareng ‘ ..................' wawakil ti 'SD .........................', Bade Mekar Carita sunda nu tos lami katunda, nu di reka kujalma ayeuna, dina jejer carita ; SASAKALA LEUWI JURIG” , iii….h sereee….m. di kampong Cikondang Desa Cimanggu Kecamatan Cimanggu Kabupaten Sukabumi aya hiji Leuwi, ayana di Beulah kuloneun Lembur Cimanggu mangrupakeun sabagian ti wahangan Cibeureum anu jadi wates antara Desa Cimanggu sareng Desa Boregah Indah.

Pangna disebut Leuwi Jurig, aya dongengna kieu …… dongengna… teh !

            Jep, jep jempe dangukeun…….!

Sabaraha taun kapengker di Cikondang aya kokolot lembur, anu katelah namina Bah Oha, ngagaduhan murangkalih hiji lalaki, keur mejeuhna  dumeleg namina si Jalu, bakating ku deudeuh sadidinten lalandihanna si ujang .Ari padamelan sapopoe keur nyumponan pangabutuh hirupna nandonkeun tina hasil tani , ari pangaresepna nyaeta nguseup .Gancang carita dina hiji waktos Bah Oha ngjak nguseup ka murangkalihna , kira – kira tabuh lima sore bari kieu pokna

“Jang …urang nguseup yu ah..?

Nguseup kamana ,Bah ? murangkalihna ngawaler

Urang ngariksakeun anu harita teu beunang tea.

Hayu Bah ... 

Bah Oha jeung murankalihna nuju kahiji leuwi anu teu acanterang  naon eta ngaran leuwi teh, leuwi geode caina caneom hejo bakating kujero, disabudeureuna di ruing ku tatangkalan nu ngaronyong, mapaes eta leuwi , matak sieun nuninggali . Nya didinya Bah Oha seja maseban  nguseup, ngantosan sugan jeung sugan aya nu nyanggut, teuneung jeung ludeung taya karempan, pantang sumerah, sabar nguseupna, teu karaos Kira-kira tabuh du belas peuting…. Pelengkung-pelengkung jeujeur pepelengkungan, tap dicabut diberean teras di centok bari ditataran, Bah Oha nyarios kanu janten murangkalihna, ngawartosan yen jeujeur anu dipake kumanehna aya nu nyanggut, bari marentah sangkan nyiapkeun peralatan maehan eta lauk.

            “jang, hudang …aya nu nyanggut!”

“ naon Bah, aya nu nganyut …?

“Yeeh ari maneh ujang, matak ulah beuki teuing sare oge, lain nu ngayut….nu nyangut… geuwat hudang cekel bedog jeung batre, bangun gede ieu lauk teh.”

Tilu jam lilana Bah Oha nataran, ti ngawitan di sanggut antara tabuh dua welas dugi ka tabuh tilu subuh, lauk masih can ka angkat naon kira-kira eta anu nganggut teh. Ngong tahrim di Masjid kadangu nandakeun wanci geus subuh , lauk kaangkat.

Bah Oha sareng murangkalihna taki-taki barang breh reuwas kabina-bina nataran nu sakitu lilana teh, disangka lubang gede malah geuning hiji tampele nu napel dina eta useup. Bakating ku ngaraos kesel, pok bah Oha susumbar :

“Sugan mah, jurig etamah …”

Sapada harita, les tampele leungit, jagat ngarieg, robah jinis jadi hiji mahluk anu sakitu gedena, Bah Oha jeung murangkalihna olohok, malah cenah buluna rongsob ampir sagede nyere, hoyong ninggali beungeutna hararese bakating ku jangkung gede. Bah Oha tanggah ningali semu rada geumpeur , Atuh lain ge kokolot lembur, luhung ku elmu jembar ku pangabisa terus mapat keun ajian pamakena, les leungit deui eta mahluk teh.

Teu antaparah  tap kana jeujeur teras diperenan bari ngajak mulang ka murangkalihna semunu  keuheul.

Tah tiwanci harita eta tempat nelah “ Leuwi Jurig”

Kabehdieukeun eta Leuwi anu tadina pikasieuneun. Malah jadi pamuruan masyarakat nyalurkeun pangaresepna kayaning nguseup jeung ngecrik.

Sakitu pamiarsa dongeng anu kapihatur hapunteun anu kasuhuuu….n

Saninten buah saninten

Dibawa kaparapatan

Hapunten abdi hapunten

Bilih aya kalepatan

Sampurasuuu……………..n

jika anda ingi fail wordnya silahkan kunjung laman berikut -->> http://www.4shared.com/zip/4x9aolmQba/Leuwi_Jurig.html